viltu búa til þinn eigin skartgrip eða búa til persónulega gjöf fyrir einhvern annan og eiga rólega og skapandi kvöldstund á vinnustofunni okkar?
Skartgerðarkvöldið er frá 19:30-21:30 og innifalið í gjaldinu er einn skartgripur, en hægt er að gera fleiri gripi sem greitt er fyrir á staðnum. Einnig er innifalið kaffi og sódavatn.
Á skartgerðarkvöldinu verður í boði að búa til hina ýmsu gripi úr miklu úrvali af ferskvatnsperlum, náttúrusteinum, charms, glerperlum og sirkon steinum meðal annars.
Hafdís aðstoðar og verður með leiðsögn í helstu aðferðum skartgerðarinnar.
Hafdís kláraði 2 ár í gull- og silfursmíði í tækniskólanum og starfaði við skartgripagerð í verslun í 2 ár. Hafdís er núna í myndlistakennaranámi við Háskóla Íslands.
Einungis laus 6 pláss á hvert kvöld.
Fullkomið fyrir saumaklúbbinn, vinkonuhópinn, vinnuna eða einstaklinga/pör 💛
Velkomið er að koma með eigin drykki, áfenga eða óáfenga.
